Farg‘ona Vodiysi Turizm Sohasida Yo‘riqnoma

Umumiy qadriyatlar

Go‘zal va barqaror Farg‘ona vodiysiga xush kelibsiz!

Farg‘ona vodiysi o‘ziga xos mo‘jizalarga boy bo‘lib, biz har kuni bu boylikni kelajak avlodlar uchun asrash ustida ishlaymiz.

Farg‘ona vodiysining eng betakror va o‘ziga xos taassurotlariga ega bo‘lishingiz kafolatlanadi.

Sizni xotirjam va zavqli sayohatga chorlaymiz:

• Chin dildan taqdim etiladigan mehmondo‘stlik
• Mahalliy madaniyatni namoyish qiluvchi festivallar
• Farg‘ona vodiysining boy va o‘ziga xos taomlarini tatib ko‘rish
• Mahalliy qishloq hayotini asrash va qo‘llab-quvvatlash
• Inson va tabiat o‘rtasidagi uyg‘unlikni mustahkamlash
• Hunarmandchilik an’analaridagi rang-baranglikni kashf etish

Mehmonlar uchun yo‘riqnoma

• Farg‘ona vodiysini asrashda faol ishtirok eting
• Mahalliy tadbirkorlarni qo‘llab-quvvatlang
• Suv iste’moliga e’tiborli bo‘ling
• Chiqindilar bilan mas’uliyatli munosabatda bo‘ling
• Tog‘larda: o‘zingizdan iz qoldirmang, mavjud yo‘llardan yuring, oldindan ma’lumot oling, mahalliy yo‘lko‘rsatkichlardan foydalaning
• Mahalliy aholi bilan: urf-odat va qadriyatlarga hurmat ko‘rsating, ruxsat so‘rang, samimiy muloqotga intiling
• Suratga olishdan oldin odamlarning roziligini so‘rang

Turar joy ta’minotchilari uchun yo‘riqnoma

• Mahalliy ishlab chiqaruvchilar va hunarmandlarni qo‘llab-quvvatlang
• Ekologik xavfsiz transport vositalarini targ‘ib qiling
• Mehmonlarni faol ishtirok etishga undang
• Samimiy mehmondo‘stlik ko‘rsating
• Manzara va madaniyatni asrang; suv va energiyani tejang; chiqindilarni qayta ishlang; qayta foydalaniladigan buyumlardan foydalaning
• Mehmonlarga mahalliy madaniyat haqida axborot bering
• Qayta ishlangan yoki ekologik toza qurilish materiallaridan foydalanishga intiling
• Mahalliy voqealar (festival, hunarmandlik ko‘rgazmalari) haqida ma’lumot beruvchi stend yoki taqvim tashkil eting

Gidlar uchun yo’riqnoma

• Tabiat va manzaralarni asrang
• Mavjud yo‘laklardan foydalaning
• Tabiatni toza saqlang va suv iste’moliga e’tiborli bo‘ling
• Sayyohlarda ekologik ongni shakllantiring
• Mijozlar xavfsizligini ta’minlang
• Mahalliy madaniyatni targ‘ib qiling
• An’anaviy turmush tarziga jalb eting
• Gid sifatida mahalliy qadriyatlarni noto‘g‘ri talqin qilmaslikka e’tibor bering
• Har bir manzilning madaniy, tarixiy yoki diniy ahamiyatini hurmat bilan tushuntiring

Oziq-ovqat ta’minotchilari uchun yo‘riqnoma

• An’anaviy va uyda tayyorlangan taomlar taqdim eting
• Mavsumiy va xilma-xil menyulardan foydalaning
• Mahalliy yetkazib beruvchilar bilan hamkorlik qiling
• Oziq-ovqatga hurmat bilan yondashing, atrof-muhitni toza saqlang, suvni tejang
• Chin dildan mehmondo‘stlik ko‘rsating
• Oziq-ovqat chiqindilarini kamaytirish va qayta ishlash mexanizmlarini yarating
• Qadoqlash materiallarida plastmassadan voz kechish yo‘llarini izlang
• Taom tayyorlash jarayoniga mehmonlarni (qulay holatlarda) jalb etish imkoniyatini yarating

 Hunarmandlar uchun yo‘riqnoma

• Mahalliy qo‘l mehnati mahsulotlarini targ‘ib qiling
• An’analarni asrang va yaxshi mehnat sharoitlarini yarating
• Haqiqiy hunarmandchilik ustaxonalarida faoliyat yuriting
• Mahalliy madaniyat va festivallarda faol ishtirok eting
• Qayta foydalaniladigan materiallar va energiya tejovchi texnikalardan foydalaning
• Hunarmandchilik jarayonlarini namoyish etish orqali mehmonlar bilan bevosita aloqani kuchaytiring
• Mahsulotlar narxida shaffoflikni ta’minlang va adolatli savdo tamoyillariga amal qiling
• Hunarmandchilik jarayonida ekologik bo‘yoqlar, tabiiy materiallardan foydalaning
• Mahalliy ayollar yoki nogironligi bor insonlarni ham faol jalb qilish yo‘llarini ko‘rib chiqing